سلام الله على دار السعوديه سلام اجلال
سلام الله على اطهر ارض وافخم شعب وقْياده 

الا يا هاجسي شوش وتزهب للوطن و اختال  
و باهي بالقصيد الي لـ  عين  ملوكه الساده  

وبامر الي رفع سبع السماوات  الوطن لا زال
على حطة يد ابن سعود .. و الأمجاد ولاده 

ومن ذاك الزمان اللي كتب تاريخه الابطال 
إلى هالحين و التاريخ ذا موطنْـه و بلاده 

هنا موطن نبي الله و ابو بكر و عمر و بلال 
هنا الاسلام و الغزوات و التوحيد والقاده 

ثلاث قرون وشماغ السعوديه عليه عقال 
هل العوجا عذوق النخل والسيفين وغماده 

وحنا درعها شعب(ن) تعوّد يقصف الآجال 
سيوف ملوكنا  والنار شبابه و  وقاده  .. 

ملكنا سيدي سلمان ؛  لا تستغرب الافعال 
كبير الساسه و كل الدول بيديه منقاده 

وشبيه معزّي .. محمد على خيل الزمن خيال
يقود الشرق الاوسط من : طويق العزّ لـ امجاده 

بقلم / عبدالمحسن بن سعيد الملّيص