|

أحباب وأصحاب

الكاتب : الحدث 2021-07-14 11:11:26

بانت علوم الود والطيب ما خاب
ولا شك بالأشواق والحرف ذوقه

حنا مع الوافين أحباب وأصحاب
وطبع المحبة والمودة شفوقه

 يا مبدي الأسباب والشوق وعتاب
والوجد من صافي ينابيع توقه

الصاحب المحفوظ في وسط الألباب
ما يمّحي لو كان وصله يعوقه

ما بيننا صدق  وتراحيب الأحباب
ومحد ٍ يعاتب دون يشرح حقوقه

ما واحد ٍ معروف بالطيب ما طاب
والود ما بين الرفاقه صدوقه

بين المحبين العتب ماله احساب
وكل المعزة يحتوي القلب فوقه

حنا شرينا بعض والود ما غاب
ودام الوصل منظور للقلب سوقه

سامي أحمد الدحيلان