سكة اماني


سكة اماني سرت فيها 
وكل شي حولي نساني
وقلبها مركب يعاني 
كل حيره  
من مآسينا الكثيره
وسافرت بي للحنين 
واخ يا لهفة رجوع 
كل شي فيها خذاني
لاجمل ايام السنين 

كيف افراحي تعاني ؟
وانتي بالدنيا اماني 
كيف اعاود اتزاني ؟
وانا اداري هالضلوع 
والفرح فيها حزين 
وكيف جاني؟
يكتم اشواقن دفينه 
بس ما يعرف خضوع 
وانا متعقّد لساني 
بين اعاند اشتياقك 
او اجي وفيني انين 
يا تفاصيل العذوبه 
تعرفين اني احبك
صاحبك ضيع دروبه 
بين حزنه وبين دربك 
ليه كل شي عنك يُكتب 
في دموعي قد غرق
من معاناة الارق 
اكتب وامسح سطر 
ثم يزداد القطر 
واحسب اني بالامل 
شفتك غيوم 
ولهفتك زخة مطر 
واكتشف انها دموع 
ثم اشقق هالورق 
اسمحي لي بس اسولف 
للحنين 
ودي استفرد معه 
ياعلّ يشفع
او مراسي
كل هالمينا تتمنع ؟؟ 
اسمحي لي بس اسولف
للحنين 
مابي  احساسك يعاني 
خلي اشواقي تجدف
شوفي هالمركب توقف 
يشتكى قبطان غارق 
في وجع هالذكريات 
شوفي طير الحب ابعد
راح عالمينا ووقف
ينتظر رجعة مفارق 
لاتقولي يوم يبعد 
ان ما شي فيه فارق 
وان بُعده جا بكيفه 
وصار يبحث عن خريفه
اسمعي للي بروحي 
محترق باسم الحنين !! 
كل غفوة للجفن 
تشكي حسافه،
وكل خوفٍ في منام 
العين آفه ،
كل شي حولي اخافه. 
الحزن دهري وليفه،
والاسى ثاني خليفه 
والدموع اللي بعيني ،
ثالث اطراف الخلافه .
والعذاب الي تشوفي 
اول الحكام فيهم 
قبل يتوحد بجوفي
مات بيديه الوصيه 
واختفت مافيه شاهد 
ولافي صدق بهالمكان
غير واحد 
فيه شيطان تلبس 
وصار هالشيطان اخرس 
كل شي حولي اخافه !!
حتى من ظل الطيور 
الوجع بالروح موحش 
مثل زوار القبور 
وتعرفي اني صبور .
بس احساسي اعافه 
ولا اعافه
صار يتلبس جفونك لا بكت 
حتى في احساس قلبك لا كبت 
حتى في كل الهموم اللي 
على ظهري اتكت 
ظالمه ذيك الليالي
تمسكت 
كل الظلام 
ماتبي هالنور يطلع 
طولت 
ولا بقى غير الملام 
لكل اطراف الخلافه 
وما بقى غير الحسافه .
دام كل الحب يرفض ائتلافي
وخوفي رافض ائتلافه :
طولت فينا المسافه 
وطال تسليم الخلافه 
للخضوع وللحنين
وما بقى غير الانين 
وباختصر دامي حزين 
ماهي سكة هذا مينا
وقلبي المشتاق غارق 
طاح من ظهر السفينه
ولا التقينا 
وهذي قصة هالدموع 

‎#علي_عبده

انتقل إلى أعلى